Paramount Pictures

Paramount Pictures
	productora de cine
Llocalización
Sede	Los Angeles
Direición	Estaos Xuníos
Historia
Fundación	8 mayu 1912
Fundador	Adolph Zukor; William Wadsworth Hodkinson (es) ; Jesse L. Lasky
Organigrama
Dueñu	Viacom
Direutor executivu	Jim Gianopulos
Sector
Industria	industria cinematográfica (es) ; cinematografía
Productos destacaos	película
Participación empresarial
Organización matriz	Paramount Global (es) ; Viacom; Viacom Enterprises (es)
Filiales	ver MTV Films (es) ; Paramount Television Studios; Famous Players (en) ; Paramount Records; Paramount Players (en) ; Paramount Digital Entertainment (en) ; George Pal Productions (en) ; Nickelodeon Movies (es) ; Paramount Home Entertainment (es) ; Paramount Animation (es) ; MTV Entertainment Studios (es) ;
Propietariu de	ver Paramount Stage 31; Paramount Stage 19; Paramount Network; Famous Studios; Rialto Theatre;
	Web oficial

Paramount Pictures Corporation ye una centenaria compañía productora y distribuidora de cine, con sede en Hollywood (California). Ta controlada por Viacom antes controlada por Gulf+Western y foi fundada'l 8 de mayu de 1912.

Nos entamos de la historia del cine nos Estaos Xuníos nos años 1910 fundáronse los estudios más importantes, ente los qu'ocupa la Paramount un llugar de privilexu, xunto a la Universal Pictures, la Fox Film Corporation, que depués pasaría a ser la 20th Century-Fox, la United Artists, la Warner Bros, la Metro-Goldwyn-Mayer, la Columbia Pictures, la RKO y The Walt Disney Company. Mientres los años 30 esta política d'estudios consolídase y eso significa la puxanza del cine d'Estaos Xuníos.

La Paramount apostó nesa dómina gloriosa poles superproducciones históriques de Cecil B. De Mille como The Sign of the Cross (1932) y Cleopatra (1934), pola alta comedia representada por Ernst Lubitsch (Trouble in Paradise, 1932; The Merry Widow, 1934) y polos thrillers y películes de terror de Rouben Mamoulian (City Streets, 1931; Dr. Jekyll and Mr. Hyde, 1932). Sicasí, los musicales nun podíen comparase colos de la Metro.

Nel añu 1953 adquirió tola compañía cinematográfica RKO Radio Pictures (Radio Keith Orpheum), adquiriendo tolos derechos d'autor sobre toles películes de la RKO.

Esta productora cinematográfica foi la primera en contribuyir na creación del doblaxe, yá que cola llegada del cine sonoru, había que traducir dichos diálogos a tolos idiomes de los países estranxeros nos que les películes esportárense.